Кандидатот за градоначалник на општина Карпош, Сотир Лукровски истакна дека прво што ќе направи, доколку стане градоначалник, ќе биде стоп на бетонизацијата без план и без визија. Тој најави ревизија на сите дупови и создавање на ново јавно претпријатие Карпош план кое ќе се занимава со планско градење на општината.
„Ќе направиме ревизија на сите постоечки дупови и создавање на ново јавно претпријатие Карпош план со кое ќе детерминираме се она што ќе се гради во нашата општина. Ќе гледаме да направиме доколку има потреба од нова градба, да во иднина има и зеленило и решенија за паркинг просторот“, потенцираше Лукровски.
Уште еден од приоритетите кои ги најави дека ќе бидат решени во неговиот мандат се паркинг местата. Лукровски најави нови 600 паркинг места во Карпош.
„Предвидени се околу 600 нови паркинг места преку монтажни гаражи, на постоечките места, во Карпош 2,3,4, на Млечен и во Влае. 80 на Млечен, 70 во Влае 130, во Карпош 4, 120-150 Карпош 3 и 110 во Карпош 2 и така ќе стигнеме до нови 600 паркинг места, со што се надевам ќе ги тргнеме возилата од пешачките патеки“, заклучи Лукровски.