Претседателот на Република Србија, Александар Вучиќ, кој учествува на самитот на процесот Брдо-Бриони во Драч, нагласи дека Србија останува посветена на напорите проширувањето на ЕУ да остане приоритет и додаде дека е убеден дека проширувањето на Унијата треба да остане јасно впишано на агендата на Западен Балкан.
„Иако нè очекуваат бројни предизвици, Србија останува посветена на напорите проширувањето на ЕУ да остане приоритет, а не споредна тема. Очекувам процесот Брдо-Бриони да донесе јасни заклучоци, бидејќи само чесноста и доследноста во пристапот на сите страни носат трајна одржливост и доверба на земјите од регионот кон процесот“, напиша Вучиќ на Инстаграм.
Тој нагласи дека е убеден дека проширувањето на Унијата треба да остане јасно впишано на агендата на Западен Балкан и дека отворените перспективи за членство во ЕУ претставуваат силен двигател на реформите, доаѓањето на нови инвестиции и економскиот раст.
„На овој пат, Србија секогаш ќе биде сигурен и одговорен партнер на ЕУ“, нагласи претседателот Вучиќ.