Песков: Испораките на ракетите „Томахавк“ во Украина предизвикуваат екстремна загриженост за Русија

Можната испорака на американските ракети „Томахавк“ во Украина е од екстремна загриженост за Русија, изјави денес портпаролот на рускиот претседател, Дмитриј Песков.

„Прашањето за „Томахавк“ е од екстремна загриженост за нас, како што веќе рече претседателот Путин“, рече Песков, според новинската агенција РИА Новости.

Тој рече дека ракетите „Томахавк“ се сериозно оружје, но дека не можат да ја променат ситуацијата на фронтовската линија и додаде дека Русија внимателно ги следи бројните изјави за можноста за испорака на овие ракети во Киев.