Специјалниот претставник на рускиот претседател и раководител на Рускиот фонд за директни инвестиции, Кирил Дмитриев, го повика Илон Маск да започне со спроведување на идејата за изградба на мост меѓу двете земји во контекст на одмрзнувањето на односите меѓу Вашингтон и Москва.
Дмитриев сподели документи објавени од републиканската претставничка Ана Паулина Луна на социјалната мрежа X, кои се однесуваат на периодот на Џон Ф. Кенеди.
Овие документи ја покажуваат областа на Алјаска и цртаат дел што бил разгледуван за изградба на „Мостот на светскиот мир Кенеди-Хрушчов“.
„Мостот треба да се изгради меѓу Алјаска и Русија“, се наведува во документот.
.@elonmusk, imagine connecting the US and Russia, the Americas and the Afro-Eurasia with the Putin-Trump Tunnel – a 70-mile link symbolizing unity. Traditional costs are $65B+, but @boringcompany's tech could reduce it to <$8B. Let's build a future together! 🇺🇸🤝🇷🇺🧵 👇 https://t.co/boCVb8xqjl pic.twitter.com/QXmTYAduqm
— Kirill Dmitriev (@kadmitriev) October 16, 2025
Пратеникот на Путин во САД нагласи дека овој проект можеби бил незамислив во 20 век, но дека со денешната технологија, тунел меѓу двете земји би можел да се изгради за помалку од осум милијарди долари.
„Елон Маск, замислете поврзување на САД и Русија, Америка и Евроазија со тунелот „Путин-Трамп“, врска што би симболизирала единство. Трошоците се над 65 милијарди долари, но технологијата на The Boring Company (сопственик e Елон Маск – н.з.) би можела да го намали ова на помалку од осум милијарди долари. Ајде да ја изградиме иднината заедно“, рече Дмитриев.
Тој исто така рече дека заедничките проекти создаваат голем број работни места.
„Тунелот Путин-Трамп, кој поминува низ железничка и товарна врска, овозможува заедничко истражување на ресурси. Заедничките проекти меѓу САД и Русија создаваат работни места и ги зајакнуваат економиите. RDIF и нашиот Арктички фонд, заедно со нашите меѓународни партнери, го финансираат тунелот, заштедувајќи милијарди благодарение на ефикасноста на компанијата на Маск“, рече тој.