Екипата на „Вертиго Гастарбајтери“, член на едриличарскиот клуб „Нов Ветер“ е победник на осмата регата на Државното превенство на Македонија во едрење, класа Крузери, – Меморијал Славе Герасимовски, што се реализираше во Споради, Грција, изминатите седум дена.
На регатата учествуваа 15 екипи кои се натпреваруваа две трки.
Со златните медали се закитија: скиперот – Марко Георгиев, коскиперот – Горан Станков, Влатко Милев, Александар Ѓорѓевиќ – Ѓока, Александар Николовски, Игор Кралев, Бобан Попандонов, Владимир Милановиќ, Драган Антоновски и Оливер Манев.
– Македонија нема море но има ентузијасти кои со визија и посветеност ја ставија на европската мапа во едриличарски спортови, а големото присуство на оваа осма регата потврдува дека едриличарството е спорт кој освојува на прв поглед“, нагласи претседателот на клубот Љупчо Николовски.