Во дебатна емисија, лидерот на ДПА, Мендух Тачи вели дека е подготвен да стане дел од Владата, само ако деблокирањето на процесот на интеграција се стави на дневен ред, а за другите теми, рече дека е подготвен да зборува, но дека сè уште не добил покана.
„Подготвен сум да седнам со премиерот, да го поддржам премиерот, да ја поддржам Владата, да го поддржам ВЛЕН ако го стават деблокирањето на процесот на интеграција на дневен ред. За останатото, подготвен сум да разговарам, но потоа. Не сум добил никаква покана“, изјавил Тачи.
Во врска со можноста да стане дел од коалицијата предводена од Изет Меџити, Биљал Касами и останатите, Тачи истакнал: „можам да станам член на ВЛЕН ако прифатат да станам претседател на ВЛЕН. Точка“.
Во емисијата „Дебата 21“, Тачи говорел и за тоа кој е вистинскиот лидер на ВЛЕН во моментов, нагласувајќи дека тоа не е Албин Курти, бидејќи според него, вршителот на должноста премиер на Косово само прави претстава со својот ангажман во Македонија за да добие поени на Косово.
„Мислам дека ДПА многу брзо ќе се опорави и повторно ќе се издигне. Се сметам за сериозен политичар. Македонците нема да застанат пред таа анахронистичка тенденција на 21 век да се обидат да ги дискриминираат Албанците, да ги дефакторизираат и евентуално да се вратат во 19 век, создавањето на сопствена етничка македонска држава. Нешто и на кое се надевам во ова оживување на ДПА, ви одговарам искрено, веруваме дека меѓународната заедница сфати дека ДПА е сериозен политички фактор“, кажал, меѓу другото, претседателот на ДПА.