Во Овчарско-Кабларскиот кањон во Србија, безживотните тела на 20-годишната Ана, која се бараше три дена, и нејзиниот 37-годишен пријател биле пронајдени во автомобил во канал. Трагичното откритие го потврдила и Полициската управа Чачак, пренесува РТС.
Возилото било забележано од минувачи по главниот пат помеѓу Чачак и Овчарска Бања. Се верува дека ова е автомобилот по кој се трага од вчера попладне во близина на езерото Меѓувршје.
Бидејќи автомобилот бил заглавен во каналот, потребна била дигалка за да се извлече. Откако го подигнале возилото, пожарникарите и спасувачите извлекле две тела од него.
Српските медиуми открија дека Александар М. (37) од Тутин бил зад воланот на Audi SQ. Автомобилот излетал од патот и паднал во бетонски канал додека Ана и Александар патувале од Златибор, каде што живеела Ана, кон Белград, каде што студирала, пишува Nova.rs.
Возилото денес го пронашле граѓани. Полициски екипи и пожарникари-спасувачи веднаш пристигнале на местото на настанот за да го извлечат автомобилот и да го пребараат местото. На фотографиите се гледа дека возилото се превртело и се заглавило во бетонски канал.
Според досегашните информации, по слетувањето од патот, Ана Радовиќ успеала да направи два повика до службите за итни случаи на својот мобилен телефон, а еден од нив бил опишан како „паничен повик“ од автомобилот. Истрагата ќе ги утврди сите околности на несреќата, вклучително и точната причина за излегувањето на автомобилот од патот на таа локација.