Микробиологот Никола Пановски за причините за труењето кај децата во ОУ „Димо Хаџи Димов“ и официјалното соопштение од Институтот за јавно здравје, вели дека бактеријата во мусаката што ја јаделе учениците не значи ништо бидејќи мусата се испекла.
„Тоа значи дека има нехигиена дека некој допрел некој дел од мусаката со нечисти раце. Може некој допрел некој дел од тавата…Кога мислев за ентеробактерии, мислев дека меленото месо да биде претходно загадено со салмонела, и при печењето, ако има многу бактерии, да ги дадат овие симптоми. Ентеробактерија“ сам по себе не значи ништо конкретно, бидејќи станува збор за најголемата фамилија на бактерии со над стотина видови.
„Ешерихија коли ја имаме сите во огромни количини, исто како Клепсиела и Протеус. Постојат и опасни видови, но 99 отсто од нив не се опасни. Во оваа група се и салмонела, шигела и многу други. Затоа поимот ентеробактерија, па дури и ако се најде во чешмите, најчесто укажува на недоволна хигиена – најчесто пренесена преку неизмиени раце, рече Пановски за труењето во училиштето во скопски Карпош.
„Да кажеа најдовме салмонела, тогаш друг муабет ќе правевме. Вака нормално дека децата кога ќе излезат од ВЦ, мора да ги измијат рацете. Тоа и возрасните исто така треба да го направат. Станува збор за нехигиена“, информира д-р Пановски.
Според него, во мусаката не може да има толку живи бактерии, за да се заразат толку голем број на деца.