12
Полицијата сомничи четири лица од Струмица дека во ноќта меѓу 28 и 29 ноември од паркиран камион „мерцедес“ со тетовски регистарски таблички, сопственост на К.С. од селото Горна Речица, украле 160 вреќи компири, соопштија од СВР Струмица.
Полициските службеници ги лишиле од слобода Ј.А. (40), М.А. (34) и Р.Д. (31), сите од Струмица, а на службен разговор бил повикан и И.А. (38), исто така од Струмица, кој се сомничи дека учествувал во кражбата.
Сите четворица го признале делото, а од Ј.А. и М.А. биле одземени сите 160 вреќи компири, кои веднаш му биле вратени на сопственикот.
За случајот е известен јавен обвинител од ОЈО Струмица. По целосно документирање на настанот, против осомничените ќе биде поднесена соодветна кривична пријава.