Општина Тетово го прогласи 1 декември 2025 година (понеделник) за ден на жалост на својата територија, по повод смртта на тетовскиот пејач Шпат Касапи.
Одлуката е одобрена од Советот на општина Тетово на вонредната седница одржана на 30.11.2025 година, врз основа на член 36, став 1, точка 15 од Законот за локална самоуправа.
Според одлуката, денот на жалост се прогласува „поради смртта на пејачот Шпат Касапи“, додека на јавните институции, правните лица и граѓаните им се препорачува да се воздржат од организирање свечени, забавни церемонии и музички настани на овој ден.
Во одлуката се наведува дека таа стапува на сила со денот на одобрување и ќе биде објавена во „Службен гласник на Општина Тетово“.
Шпат Касапи, едно од најпознатите имиња во модерната албанска музика, почина ненадејно по срцев удар на 40-годишна возраст. Тој беше погребан денес на гробиштата во Тетово.