СДСМ се сомнева во причините за отсуството на премиерот Христијан Мицкоски од денешниот Македонско-српски бизнис форум. Од партијата велат дека најавата дека премиерот од здравствени причини го има откажано учеството, отвора едно прашање.
-Дали поради случувањата во Србија, Мицкоски или така наречниот Мали Вучко бега од своите бизнис партнери?
Во исто време, денеска беше потпишан и некаков меморандум за соработка со Србија а не се соопшти конкретно за што се однесува. Дали можеби е меморандум за неиспорачување?
Во последно време се случува една коинциденција на слошувања, и во Србија и во Македонија. Ова се прашањата на кои Мицкоски треба да одговори, велат од најголемата опозициска партија.
Премиерот Христијан Мицкоски поради здравствени причини нема да присуствува и нема да се обрати на денешниот македонско-српски бизнис форум што ќе се одржи во хотелот „Александар палас“ во Скопје, информираше Владината прес-служба утрово.
И покрај отсуството на премиерот, беше соопштено дека форумот ќе собере над 200 компании и најмалку 300 учесници од двете земји, со цел продлабочување и интензивирање на економската соработка.