10
Метрото во вториот по големина град во Грција, Солун, денес е повторно во функција откако беше суспендирано речиси еден месец поради тестови на неговото продолжување до источниот округ Каламарија, објави Скај ТВ.
Првата фаза од тестовите е успешно завршена и донесена е одлука метрото да се врати во редовна работа три дена пред предвиденото.
Тестовите на продолжувањето на метрото ќе продолжат без запирање на услугите за јавен превоз.
Сепак, и заменската автобуска линија ќе биде привремено одржувана.
Солунското метро беше отворено на 30 ноември 2024 година по години изградба.