ВМРО-ДПМНЕ продолжува со обвинувањата кон новото раководство на СДСМ и новиот член на Извршниот одбор на СДСМ, Јон Фрчкоски. Оттаму потсетуваат дека за синот на екс-министерот и професор Љубомир Фрчкоски, пред неколку месеци излегоа фотографии во јавноста каде јасно се гледа како користи психотропни супстанци, на своето работно место.
-Филипче немаше коментар за ова, не се огради, па дури и кога Фрчкоски се обиде да даде оставка од директор на Центарот за аналитика на СДС, Филипче не ја изнесе пред Централниот одбор на партијата, па како што изјави и самиот Фрчкоски минатата недела: „Не се враќам, никогаш не излегов, мојата оставка не беше разгледана“.
Но, Фрчкоски никогаш не одговори на прашањата поврзани со ова, како на пример, каде ја користел дрогата, од каде му е истата, прашуваат од ВМРО-ДПМНЕ.
Од партијата на Христијан Мицкоски прашуваат дали во „СДСМ владеат правила на некаква паралелна реалност, со оглед на тоа што очигледно се целосно отсечени од јавната перцепција“.
-Зарем навистина сметаат дека јавноста не го следи и не го разбира она што го прават, и дека лицата што ги претставуваат како ‘нови’ се одамна компромитирани a некои од нив дури и јавно политички потрошени, стои во партиското соопштение.