Генералниот секретар на НАТО, Марк Руте, не верува дека Европската Унија треба да стане целосно независна од САД во однос на одбраната, без оглед на сегашниот политички курс на администрацијата на американскиот претседател Доналд Трамп, пренесe ДПА.
Вашингтон очекува Европа да преземе поголема одговорност и да троши повеќе за одбрана, рече Руте.
„Целосно сум убеден дека САД се целосно посветени на инвестирање во НАТО. Нема сомнение за тоа. Постои големо очекување. Всушност, од нас во Европа се очекува да преземеме поголема одговорност и да трошиме повеќе за одбрана“, рече генералниот секретар.
Прашањето е на крајот дали ова се прави заедно со САД, рече поранешниот холандски премиер.
Тој потсети на самитот на НАТО во Хаг во јуни оваа година, каде што 32-те земји-членки на НАТО се согласија да постават нова цел за трошење за одбрана од 5 проценти од бруто-домашниот производ за следните десет години.
„Сè уште верувам дека ова е една од најголемите победи на претседателот Трамп во надворешната политика – овие пет проценти се јасна посветеност на зголемено производство“, нагласи Руте.