МакедонијаСлајдерХроника

Пронајдено „ауди“ на Косовец кое било украдено пред локал во тетовско

Со брза реакција на полицијата, како што велат од МВР, пронајдено е возилото на косовски државјанин само неколку часа откако беше пријавено за одземено

од Nikola Popovski
13 прегледи Фото: МВР

На 26.12.2025 во 22:10 часот на ул.„Козле“ во Скопје, полициски службеници од Единицата за интервентна полиција при СВР Скопје го пронашле патничко моторно возило „ауди а6″ со косовски национални ознаки, за кое во 04:15 часот во СВР Тетово, К.Р.(31) од Кocoво пријави дека околу 01:40 часот му било одземено од паркинг простор пред угостителски објект во с.Желино, тетовско.

Возилото, заедно со сите предмети и документи кои биле во возилото, биле вратени на сопственикот, а по целосно расчистување и документирање на случајот против сторителите ќе биде поднесена соодветна пријава.