19
Вчера претпладне било пријавено дека била украдена бистата на народниот херој Вера Јоциќ во скопски Центар.
Како што се наведува во полицискиот билтен, вчера (26.12.2025) во 11:00 часот во СВР Скопје е пријавено дека од парк на подрачјето на Центар во Скопје е одземена спомен бистата на народниот херој Вера Јоциќ.
Бистата, дело на нејзината сестра Вида Јоциќ, е поставена во почетокот на паркот на околу 150 метри од зградата на Владата.
Се преземаат мерки за расчистување на случајот.
Бронзениот портрет е дело на сестрата на Вера, Вида Јоциќ. Ликот на Вера Јоциќ е главната инспирација за легендарните песни на Ацо Шопов – „Очи“ и „Љубов“.