Претседателот на САД, Доналд Трамп, ја покани косовската претседателка Вјоса Османи да се приклучи на неговиот новоформиран Совет за мир како член-основач на телото.
Османи потврди дека ја прифатила поканата и рече дека е „длабоко почестена од личната покана на претседателот Доналд Трамп да ја претставува Република Косово како член-основач на Советот за мир, стоејќи рамо до рамо со Соединетите Американски Држави во напорите за изградба на побезбеден свет“.
I am deeply honored by President @realdonaldtrump’s personal invitation to represent the Republic of Kosovo as a founding member of the Board of Peace, standing shoulder to shoulder with the United States in the pursuit of a safer world. 🇽🇰🇺🇸
True leadership doesn’t just talk… pic.twitter.com/a5xf6vkVdF
— Vjosa Osmani (@VjosaOsmaniPRKS) January 21, 2026
„Вистинското лидерство не само што зборува за мир, туку го испорача. Токму тоа го прави претседателот Трамп преку оваа историска иницијатива. Америка помогна да се донесе мир во Косово. Денес, Косово цврсто стои како американски сојузник, подготвено да го продолжи тој мир“, вели Османи, додавајќи дека „историјата ги памети оние кои преземаат смели чекори за изградба на мир“.
Да потсетиме дека Советот за мир предводен од Доналд Трамп првично беше замислен како тесно тело составено од мал број светски лидери, со цел да го надгледува планот за прекин на огнот во Појасот Газа. Сепак, амбициите на администрацијата на Трамп брзо се проширија, а овој комитет сега се најавува како платформа за медијација во пошироки глобални конфликти.
Според достапните информации, Советот за мир треба да функционира како еден вид паралелна структура на Советот за безбедност на Обединетите нации. Иако неговата повелба сè уште не е официјално објавена, нацрт-документот до кој дојде Асошиејтед Прес покажува дека клучните овластувања ќе бидат концентрирани во рацете на самиот претседател на САД, додека придонес од 1 милијарда долари ќе обезбеди трајно членство во комитетот.
Досега, најмалку осум земји го прифатија учеството, вклучувајќи ги Израел, Обединетите Арапски Емирати, Мароко, Виетнам, Казахстан, Унгарија, Аргентина и Белорусија, додека покани се упатени и до лидерите на Парагвај, Канада, Египет и Турција. Паралелно, Белата куќа, исто така, го објави формирањето на Извршниот комитет за Газа, задолжен за спроведување на втората фаза од договорот за прекин на огнот, вклучувајќи безбедносни аранжмани, разоружување на Хамас и реконструкција на воено разурнатата енклава.