Ова денеска го соопшти градоначалникот на Скопје, Орце Ѓорѓиевски, по извршениот увид во состојбата на локалитетот.
Според Ѓорѓиевски, Скопското кале претставува еден од најзначајните и најпрепознатливи симболи на градот и како таков заслужува постојана грижа, заштита и одржување.
„Скопското кале денес е чисто, уредено и подготвено да ја раскаже својата историја на секој посетител. Наше заедничко обврзување е да го чуваме културното наследство и да го оставиме зачувано за идните генерации“, порача градоначалникот.
Од Град Скопје наведуваат дека уредувањето на Калето е дел од пошироките активности за унапредување на јавниот простор и заштита на културно-историските знаменитости, со цел создавање побезбедна и попријатна средина за посетителите.
Во рамки на вчерашната обиколка, Ѓорѓиевски направил увид и во можностите за понатамошно активирање на просторот, како дел од подготовките за проектот Скопје – Европска престолнина на културата 2028.
На увидот присуствувале и министерот за култура Зоран Љутков, како и претставникот на Управата за заштита на културното наследство, Драги Митревски.
Според најавите, целта е целосно отворање и прилагодување на просторот на Скопското кале за културни и уметнички содржини, со строго почитување на историските слоеви и автентичноста на локалитетот. Во иднина, Калето треба да прерасне во активна и жива културна сцена на градот.