Синдикатот на грчките вработени во јавниот сектор АДЕДИ денес организира тричасовен прекин на работата во главниот град Атина, барајќи укинување на значителните намалувања на платите воведени пред повеќе од една деценија за време на кризата со суверениот долг, објави онлајн изданието на весникот „Катимерини“.
Синдикатот, исто така, бара зголемување на платите. Барањата на државните службеници вклучуваат враќање на бонусите за Божиќ и Велигден, кои заедно изнесуваа дополнителни два месечни плати и беа укинати за вработените во јавниот сектор како дел од драстичните мерки за намалување на трошоците воведени во 2012 година, објави весникот.
Синдикатот учествува во судска постапка пред највисокиот административен суд во земјата, барајќи враќање на таканаречените 13-та и 14-та плата.
Штрајкот на државните службеници ќе трае од пладне до 15:00 часот (локално време), а службениците кои учествуваат ќе одржат и протестен митинг пред зградата на Државниот совет – највисокиот административен суд во земјата – во центарот на Атина во 12:30 часот (локално време), повикувајќи ги судиите побрзо да донесат одлука за случајот.