Шеесет проценти од Данците ги гледаат САД како противник, додека помалку од една петтина ја гледаат членката на НАТО како сојузник, според анкета спроведена за јавниот радиодифузен сервис DR и објавена денес, цитирана од АФП.
Данска традиционално е цврст сојузник на САД и продолжува да го нарекува Вашингтон свој „најблизок сојузник“, но тензиите се зголемија во последните недели поради желбата на Трамп да го преземе Гренланд, автономна данска територија.
На прашањето дали би ги опишале САД „како сојузник или противник“ со оглед на моменталната состојба на работите, само 17% рекле дека ги сметаат САД за „сојузник“, покажа новото истражување.
Дваесет проценти од испитаниците рекле дека не знаат, а 3% рекле дека не сакаат да одговорат.
Во јануари, Трамп се откажа од своите закани за заземање на арктичката територија, која е членка на НАТО преку Данска.
Неговите закани ја турнаа трансатлантската алијанса во најдлабоката криза во последните години.
Анкетата е спроведена меѓу 1.053 Данци на возраст од 18 години и повеќе, помеѓу 21 и 28 јануари.
На 17 јануари оваа година, илјадници Данци се придружија на протестниот марш од центарот на Копенхаген до амбасадата на САД во знак на протест против намерата на Трамп да го анектира Гренланд.