Украинската армија може да издржи најмалку уште 18 месеци во деловите од Донбас што ги контролира, изјавија високи извори од НАТО.
Според податоците што ги имаат, на Русија ќе ѝ треба најмалку година и пол за да го преземе целиот регион ако напредува со сегашното темпо. Тие исто така не веруваат во тврдењата, главно од Москва, дека украинската одбрана е на работ на колапс.
Сепак, пактот призна дека руските сили напредуваат побрзо во Запорошката област, но најверојатно украинските сили сè уште го контролираат градот Гуљајполе.
Донбас не е крајот на играта за рускиот лидер Владимир Путин, додадоа изворите, според кои неговите територијални претензии се многу поголеми. Неговата крајна цел е Украина да не функционира како независна држава и да нема право на самоопределување.