Регулаторната комисија за енергетика донесе одлука за зголемување на малопродажните цени на нафтените деривати во просек за 0,69 проценти. Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1 денар по литар, додека цената на дизелот и на екстра лесното масло за домаќинство останува непроменета. Цената на мазутот се зголемува за 0,233 денари по килограм.
Од РКЕ информираат дека референтните цени на светскиот пазар во споредба со претходната пресметка бележат пораст кај бензините за 2,599 проценти, кај дизелот за 0,154 проценти и кај екстра лесното масло за 1,247 проценти, додека кај мазутот има намалување од 1,530 проценти.
Курсот на денарот во однос на доларот во периодот на пресметка бил понизок за 0,3576 проценти.
Според новата одлука, од ноќеска на полноќ максималните цени ќе изнесуваат:
ЕУРОСУПЕР БС-95 – 73 денари за литар;
ЕУРОСУПЕР БС-98 – 75 денари за литар;
ЕУРОДИЗЕЛ БС (Д-Е V) – 68 денари за литар;
Екстра лесно масло за горење (ЕЛ-1) – 67 денари за литар;
Мазут М-1 НС – 33,883 денари за килограм.