Германија ја изрази својата поддршка за Шпанија по трговските закани на американскиот претседател Доналд Трамп, што претставува забележителна промена во тонот во односите во рамките на Европската Унија.
Претходната одлука на германскиот канцелар Фридрих Мерц да не дејствува во одбрана на својот европски партнер во услови на заканите на Трамп предизвика одредени тензии меѓу Мадрид и Берлин.
Германскиот министер за надворешни работи Јохан Вадефул изјави дека Шпанија може да смета на солидарноста и на Европската Унија и на Германија во случај на нови трговски бариери од САД.
„Нема да дозволиме да бидеме поделени: цврсто стоиме заедно“, рече Вадефул на прес-конференција по средбата со молдавскиот министер за надворешни работи Михаи Попшои.
Неговата изјава се толкува како обид за смирување на тензиите меѓу Берлин и Мадрид и потврдување на обединет европски одговор на евентуалниот трговски притисок од САД.
Потсетуваме, американскиот претседател најави радикални економски потези против Шпанија, како што е прекинување на трговијата.
Оваа реакција следеше по претходното одбивање на Шпанија да ги отстапи своите бази за напад врз Иран.