102
Во рамките на денешната заедничка седница на Владите на Република Македонија и Република Србија одржана во Скопје, министерот за транспорт и врски, Миле Јанакиески и потпретседателот на владата и министер за сообраќај, градежништво и инфраструктура, Зорана Михајловиќ ја потпишаа спогодбата за утврдување на граничните процедури за железничкиот граничен премин Табановце – Прешево.
Спогодбата има за цел поедноставување на извршувањето на граничните процедури и скратување на временскиот период на задржување на возовите на граничниот премин во железничкиот сообраќај. Оваа Спогодба ќе придонесе за скратување на времето на задржување на возовите за да се зголеми конкурентноста на железничките услуги за двете земји.