Eдин од најдебатираните коментари кои се прочитани неодамна, е “Кредиотот заврши, ценети Грци” од колегата Колер од германскиот весник ФАЦ.
Каков кредит, Хер Колер? Откога Грција танцува по музиката на Тројката, нејзиниот бруто производ падна за 25 отсто, невработеноста стигна 30 отсто, 75 отсто од младите си седат дома и така натаму. Ако ова е забава, тогаш крајот на двете светски војни е директно фестивал за Германија.
Овој германски триумфализам очигледно се дели од родните гркомразачи кои немаат трпение да ги видат грците посиромашни. Но, додека прогресивната германска јавност се кефи, Ципрас е на пат да ја извлече Грција од стапицата со серија итри потези, достојни за самиот Одисеј. Гледајте и учете!
Прв трик – Посакувај ги небото и ѕвездите, и доби го она што ти треба
Владата на СИРИЗА го побара невозможното – 50% Кратење на долгот од 330 милијарди евра. За да се зголеми ефектот, министерот за финансии Варуфакис им досади на своите европски колеги со предавања по макроекономија, украсени со метафори, достојни за Омар Хајам. По ова тој се шеташе низ Европа со едни чудни шалчиња, но пак без вратоврска. За кој го познава дрескодот на германскиот бизнис е јасно дека на таков костум не се даваат и 10 евра за изнајмување.
И велејќи го своето тешко “Не!”, Финансиерите на еврогрупата сепак го омекнаа со една-две сосем мали, но симболични попусти. Само никакви. Но тоа е како да си малку или ногу бремена, . Овие мали отстапки се стапалото, благодарение на што СИРИЗА веќе излезе од првата стапица – домашната политика.
Втор трик – Шах и мат на внатрешниот противник
Внатрешната стапица ја постави Владата на “Нова демократија”, предводена од Самарас. Само еден месец пред изборите земјите од еврозоната беа подготвени да го продолжат финансирањето на грчкиот буџет со 6 месеци, но Самарас рече – не, дајте ни само 2, до крајот на февруари. Целта беше веднаш по изборите СИРИЗА да се судри со – или да се повлече 100 проценти од предизборните ветувања, или веднаш да ја турне Грција во неликвидност, по што Самарас ќе се врати на бел коњ. СИРИЗА сепак се истргна од Еврогрупата за продолжување на финансирањето со уште 4 месеци, па сега може да продолжи да работи по план А (намалување на долгот) и во исто време да се подготви план Б и В – враќање на драхмата. Ако се стави на дневен ред.
Слабото место на десните сили во Грција е дека тие се прават патриоти. Ципрас веднаш ги искористи и направи коалиција со десната, но патриотска партија Анел. Две недели подоцна тој нанесе нов удар – го издигна за претседател членот на ЦК на “Нова демократија”, Прокопис Павлопулос – поранешен министер за внатрешни работи и јавниот ред. Шах и мат.
Со овој потег Ципрас го погоди каменот точно каде гаѓаше. Новиот претседател е близок до поранешниот премиер и поранешен лидер на “Нова демократија” Костас Караманлис, кој и до денес е духовен татко на десницата. Од проста причина што се вели Караманлис. Само по себе тоа име може да освои во парламентот и стадо гуски. Засега тој чека притаено, но дава знаци дека е латентен опозиционер на “Меморандумот”, Тројката и следствено на Самарас. Караманлис е сеуште на одлична возраст за грчки лидер – само 58 години, но може да нема амбиции повторно да управува.
Флертувајќи со Караманлис, Ципрас го посеал семето на расцепот во редовите на “Нова демократија”. Тие веќе никнуваат. Својата шанса ја демне и друг наследник на грчка десна династија, најновиот Мицотакис. Значи Меркел веќе остана без својот грчки сојузник – “Нова демократија”.
Третиот трик – Забиј клин меѓу Снежана и седумте џуџиња
Но да се вратиме на Железната фрау и непопустливоста Германија. Веќе се обзнани дека другите земји го следат со ентузијазам плаќањето на Грција. Само пред една недела германскиот министер за финансии Волфганг Шојбле решително го отфрли продолжувањето на финансирањето на Грција, а еврогрупата го продолжи за 4 месеци. Шојбле ја отфрли и секоја промена на условите во меморандумот, но еврогрупата од немаше каде и се согласи понатаму грчкиот буџет да биде избалансиран.
Предвидуваше тој да создава околу 4,5% вишок, со кој ќе ги плаќа своите долгови. Сега претстои да разбереме дали Грција успеала да ја одложи и Продажбата на државните средства, меѓу кои на прво место се солунското пристаниште и железницата. Така Германија постигна победа, која наликува на победата на Наполеон кај Бородино. Таа отвори мала пукнатина меѓу себе и другите од еврозоната, која допрва ќе расте. Оваа пукнатина, како што се вели, е сааамо малку бремена.
Четврт трик – Против моќниот противник побара уште помоќен сојузник
Пред изборите Грција беше на прагот да го продаде Солунското пристаниште на кинеска компанија. Ова е многу силен адут за Ципрас.
Не знаеме дали обратил внимание, но штом Кина се обиде да влезе со сериозни инвестиции во некоја африканска држава, веднаш Армијата на САД се наоѓа на место со многу важна хуманитарна мисија – бркаат терористи, помагаат против антракс епидемијата. И наскоро потоа Кинезите си го прибираат багажот и ја напуштаат.
Минатата недела министерот за одбрана Каменос побара од САД 15 милијарди долари бескаматен заем за 50 година ? Мотив- така ќе се спречи кинеското освојување на Грција. И навистина, ако Грција излезе на шанкот за продажба, првиот клиент ќе биде Пекинг. Од една страна, Кина располага со огромна планина од долари и се чуди каде да ги потроши. Од друга страна, токму грчките пристаништа, железници, плажи и така натаму се е можен залак за кинескиот бизнис, кој бара место за упад во европскиот пазар. Во исто време Банката на федерални резерви години дава кредити при 0 отсто камата. Во 2009 година раздаде над 2 трилиони долари, за да ги спаси европските зомби банки.
Зошто сега да не извади Грција од стапицата?
Ако Вашингтон се двоуми, тоа е дали да помогне на Грција уште сега, или кога ќе излезе од еврозоната. Кој чита ги англосаксонските изданија, тој е свесен дека сите можни авторитети – од Кругман и Стиглиц до Рубини и Сорос, се убедени дека Атина ќе живее многу подобро, ако се врати драхмата.
Причината е едноставна – штом еврозоната се распадне, уделот на доларот како светска резервна валута ќе скокне барем со 10 проценти. Тоа значи дека ќе може да се испечатат уште најмалку 5 трилиони долари без никаков ризик од монетарен колапс.
Доволно е да се погледне табелата за динамиката на светските резервни валути. (Http://en.wikipedia.org/ wiki / Reserve_currency) Во 2001 година, кога еврото се уште влегува, уделот на доларот достигна 70,7 отсто. Потоа веднаш почна да опаѓа и во 2013-та, достигна 61%. Во исто време, уделот на еврото се зголеми од 17,9% до 27,6 во 2009 година, кога Европа беше погодена од финансиската криза.
Затоа САД имаат интерес да помогнат на Грција, за да ја поколебаат верата во заедничката валута. Ако Меркел сонува кошмари, тогаш ова е среќна и просперитетна Грција, која се вратила на драхмата. Како ќе постапат тогаш Шпанија, Португалија, Италија? Тргне ли оваа зараза, извозот на Германија ќе се сруши и нејзините среќни работници ќе ја запознаат забавата на невработеноста.
Петтиот трик – Извади страшило!
Всушност Ципрас веќе го извади првото страшило – Кина. Второто е Путин – Грција за момент одби да ги поддржи новите санкции и излезе со идејата дека сака заем од Москва. Сега ред е и третиот.
Извор: 24часа