Претставник на Министерството за одбрана на САД призна за ранливоста на американските сервери пред хакерите. “САД се способни да остварат голем сајбер против непријателот. Но јас сум загрижен од тоа до кој степен во моментов самите ние сме ранливи”, рече Ерик Розенбак, помошник-министер за одбрана на САД за национална и глобална безбедност.
Розенбак ова го изјави за време на сослушување пред сенатската комисија за прашањата на вооружените сили. Така претставникот на Пентагон кажа за плановите на военото министерство да привлече се повеќе нови и напредни професионалци. “Размислуваме за соработници и од други институции. На пример, од калифорниската силиконска долина”. Комерцијалните авиокомпании може да бидат хакирани за време на летот од патници кои користат безжичен интернет на авионот, за да добијат пристап до управувањето, предупредуваат американски експерти, пишува Telegraph. Извештај на Канцеларијата на одговорноста на Владата на САД наведува дека оваа опасност е една од неколкуте кои можат да се случат како резултат на слабоста на сајбер безбедност на авиокомпаниите.
“Интернет врската со кокпит претставува директна поврзаност помеѓу авионот и надворешниот свет, во кој може да има лица со опасни намери “, се наведува во извештајот. “Оваа опасност ќе продолжи да се зголемува. Тоа е нешто што треба да биде обмислено “, изјави администраторот од американската Сојузна агенција за авијација Мајкл Хуерта.