81
Александар Нешковски, братот на убиениот скопјанец Мартин, за Плусинфо изјавил дека спонтаните протести против полициската бруталност во Скопје ќе продолжат секој ден во исто време се додека не бидат исполнети нивните барања.
– Нашите барања се кривично да одговара нелегитимната власт, а не само да си поднесе оставка. Да има командна одговорност во МВР и тие да одговараат кривично за злосторството што го направија – изјави Нешковски.
Покрај денешниот протест во 18 часот во Скопје, за денеска во исто време е закажан протест и во Битола.
Во најавата за протестот во Битола се вели:
„По обелоденувањето на снимките на кои се потврдува скривањето на убиството на Мартин Нешковски од страна на власта, и протестот во Скопје, и Битола повторно се приклучува на протестите против полициската бруталност! Солидарно и сите заедно за подобра иднина! Планот е да се пречекаме кај фонтаната, и да продолжиме преку Широк сокак до МВР.За подбор а иднина за сите!“.