Преговорите меѓу Грција и кредиторите се во најсложената фаза, изјави вчера министерот за финансии на земјата Јанис Варуфакис, цитиран од агенциите.
“Преговорите се во најтешкиот фаза, во нестабилна состојба”, изјави Варуфакис. Тој нагласи дека европските партнери вршат силен притисок врз Атина при преговорите за новиот договор. Доверителите сакаат “кратењата на сите плати до 700 евра”. “Со таква сурова позиција се соочуваме секојдневно”, истакна грчкиот министер. Во понеделник Грција и Еврогрупата повторно не постигнаа договор за продолжување на програмата за финансиска помош за Атина. Учесниците на средбата изразија претпазлив оптимизам во однос на преземените од Грција чекори за постигнување договор. Грција и меѓународните кредитори (ЕЦБ, ЕК и ММФ) треба да усогласат нов план за реформи, кој ќе овозможи продолжување на втората програма за меѓународна финансиска помош за Атина по трет пат и да се реализираат останатите пакети од 7,2 милијарди евра финансиска помош. Втората програма за помош беше пресметана до 1 јануари 2015 година, а многу експерти сметаат дека Грција ќе има потреба од дополнителни средства, потсетуваат агенциите.