Дипломатот Питер Фејт вчера беше во Скопје . Разговараше и со власта и опозицијата но за тоа до каде е спроведувањето на Охридскиот договор. Идејата е на Европскиот институт за мир кој побара за ова извештај од македонските власти.За актуелната крза имало само кафе муабет со посредникот.
Главната тема била за што тој во 2001 беше главен медијатор охридскиот ракмовен договор. Дебатата ја организираше Секретаријатот за европски прашања и Европскиот институт за мир , но разговорите беа затворени за јавноста. Организаторите велат дека во оваа фаза само се разговара за извештајот, а кога ќе биде готов, за документот ќе се расправа јавно.
Во скопскиот хотел Холидеј Ин, дојдоа вицепремиерите за спроведување на Охридскиот договор и за европски прашања, Муса Џафери и Фатмир Бесими, од ВМРО-ДПМНЕ дојде пратеникот Илија Димовски, од СДСМ Фросина Ременски, од ДУИ Артан Груби. Тука беа и професорите Владо Поповски, Ризван Сулејмани, Алберт Муслиу. Но, никој од нив не сакаше да зборува пред камера, освен шт нагласија дека Питер Фејт не е тука заради политичката криза во Македонија.
Фејт сега е сениор медијатор во Европскиот институт за мир. Институтот е независен партнер на Европската унија и на Европа, кој ја спроведува својата глобална мировна агенда преку посредништво и неформален дијалог. Институтот води и мулти дипломатија и делува како надворешна алатка, како поддршка на посредништвото на Европската унија, онаму каде што Унијата има ограничено влијание.