77
Во март може да се забележи зголемена тенденција на едноставно пренесување на информации во кои само се известува за случувањата во и околу Собранието и намалување на процентот на информации во кои се анализира содржината на настаните.
Ова е дел од заклучокот од мониторингот на медиумското известување за работата на собранието во март годинава кое го спроведува Институтот за демократија Социетас Цивилис Скопје.
Јавноста останува генерално недоволно информирана од страна на медиумите за случувањата во Собранието, законите кои се разгледуваат и аргументите кои ги изнесуваат пратениците на седниците, се наведува во седмиот извештај на организацијата.