Во кампот на слободата пред владата отворена дебата на тема – “Кој го зароби новинарството во Македонија? Новинарите, државата или партијата? Како да го ослободиме?”
Сите си имаат свој дел на вината, но битно е дека го заробија тие што од него профитираат и ги потиснаа стандардите, рече новинарот Драган Антоновски според кој очекувано е во вакво (не)време, да се злоупотребуваат слободите на информирање , бидејќи така се владее и се се стави во функција на пропаганда, ама новинарството не е пропаганда.
-Дебата ја водиме на улица како уличари, секој ден сме тука, а уличарите влегоа во медиумите и студијата и ни продаваат што е новинарство порача Антоновски
Освен политичките партии, за моменталната состојба на медиумите делумно виновни се и самите новинари, но најмногу тие кои што ја украдоа слободата на медиумите, посочи Зоран Бојаровски Според Бранко Гетовски ова што се случува е систематско со умисла уништување на медиумите.