Во пресрет на 20-годишнината од трагедијата во Сребреница државниот секретар на САД Џон Кери повика да бидат повикани  на одговорност виновниците за “бруталните злосторства против човештвото” – убиството на 8.000 босански муслимани во 1995 година.

“Ние мораме да ги запомниме жртвите од Сребреница и сите жртви на војната – не само денес, но секогаш”, посочи Кери во специјално соопштение. Шефот на американската дипломатија не ги спомена овие настани  како “геноцид”, иако Вашингтон ги утврди токму таа карактеристика и назив.. Сепак, Советот за безбедност на ОН во средата не успеа да ја  усвои резолуција. Во документот подготвен од Велика Британија, во коавторство со САД, доби 10 гласа “за”, но Русија, како постојана членка на Советот за безбедност стави вето. Другите  постојана членка на Советот за безбедност – Кина, како и Венецуела, Ангола и Нигерија, се воздржаа од гласање.

Комеморативна настани посветени на трагичните настани во Сребреница, каде за време на војната беа убиени 8.000 босански муслимани, ќе се одржи утре на 11-ти јули.

Според меѓународната заедница, околу 8.000 муслимани беа убиени во Сребреница во јули 1995 година при операција на армијата на босанските Срби, предводени од генерал Ратко Младиќ. Тогаш повеќе од 30 илјади луѓе беа депортирани.Опсадата на Сребреница и последователните масовни егзекуции на машкиот дел од населението на градот се сметаат за една од најкрвавите епизоди од војната во Босна и Херцеговина. Тоа колење е дефинирано како “геноцид” од меѓународната правда, но босанските Срби раководители ја  одбиваат оваа формулација, и сметаат дека таква резолуција уште повеќе ќе ја  раздвои земјата.