Една од главните атракции кои човек ги посетува кога патува во друга земја, се цркви, катедрали, храмови или џамии – во зависност од тоа во кој дел од светот се наоѓа.
Илјадници милји оттука, во Нов Зеланд, се појави една од најчудните цркви во светот. Нејзината боја е зелена, бидејќи тоа е“изградена” од дрвја и растенија . Црквата се наоѓа во дворот на Брајан Кокс, кој всушност е и умот, што стои зад оваа идеја.
Создавањето на црквата траело четири години , додека дрвјата и растенијата да израстат доволно. Всушност Кокс, кој има фирма за уредување, избрал широк спектар на дрвја, погодни за “изградба” на црквата. Тој ги соединил со ретка вегетација , благодарение на која внатрешноста на црквата секогаш ќе биде осветлена од сончева светлина.
Брајан вели дека бил инспириран од годините во кои патувал во странство и разгледувал различни цркви во целиот свет. “Еден ден излегов во задниот мојот двор и си помислив:” На овој простор му треба една црква “ , открива Кокс. По четири години неговата идеја се претворила во една од најчудните и забележителни цркви во светот.
За да ја видите, ѕирнете во нашата галерија и/или пак погледнете го видеото погоре.