Француските власти спречиле план за нов терористички напад против воените бази во земјата, пишува “Гардијан”.

Полицијата приведе четири лица, вклучително и поранешен поморски офицер. Апсењата, кои биле извршени во понеделникот, беа објавени од страна на претседателот Франсоа Оланд и потврдени од министерот за внатрешни работи Бернар Казнов.Уапсените се на возраст меѓу 16 и 23 години и “имале намера да извршат терористички чин во воените бази.” Водачот на групата е следен откако негови активности во интернет предизвикале сомневање. Тој имали и   патувања до контролираните од џихадисти области на Сирија. Францускиот министер за внатрешни работи истакна дека слични заговори се спречувани  секоја недела во земјата. Околу 2 илјади жители во Франција се пресретнати како дел од џихад мрежи. Се проценува дека 500 од нив сега се во Сирија или Ирак.