Грчкиот премиер Алексис Ципрас побарал заем во износ од 10 милијарди долари од Москва, за да може Грција да поддржи враќањето на земјата кон драхмата, тврди атинскиот весник “Вима”, цитиран од грчкото издание Њуз.ин. Публикацијата предизвика бројни реакции.
Според неа во своето последно интервју за државната телевизија ЕРТ Ципрас рекол дека “е свесен дека воведувањето на националната валута е бесмислено, без државата да поседува моќен монетарен ресурс”.
Според репортажа, потпишана од новинарот Павлос Пападопулос, насловен “Леонид, Алексис и Панајотис”, Москва не го отфрлила барањето, туку почнала неодредено да расправа за обезбедување на пет милијарди долари како “претплата” за гасоводот “Турски поток”.
Во истата публикација се наведува дека “моделот за отцепување на Словачка од Чехословачка во почетокот на 1993 година и воведувањето на словачката круна бил еден од примерите за валутна промена, кој некои експерти го проучувале во и надвор од Министерството за финансии”.
Се тврди дека барања за кредити во долари биле испратени истовремено на Иран и Кина, но ниту една од двете страни не подлегнаа на искушението да доделат таквите заеми.
Во материјалот се наведува дека во оружениот арсенал на грчките економисти видно место заземало и прашањето за заштита на идните приходи од искористувањето на јаглеводородите во Егејското Море, кои требало да го зголемат девизниот ресурс на новата драхма.
“Можеби затоа Германија, која ја следеше со растечки гнев /…/ светската дипломатија на Атина, де факто” ги заплени “идните јаглеводороди кои автоматски ги вклучија во новиот фонд за распродажба на државниот имот”, пишува “Вима”.
Авторот на статијата забележува дека членовите на Владата – Панос Каменос, Јанис Драгасакис, Јанис Варуфакис, Папас, Лафазанис и други, беа запознаени со основните аспекти на планот на премиерот.
“Сите тие биле на мислење дека откако Германците ќе сфатат дека Атина е решена да се раздели со еврозоната, требало да се добие тенденција и да го исполнат грчкото барање за големо отпис на долгот и така Ципрас требало да ја промени Европа, во што тој верувал. Затоа тој отфрлил многу од предлозите на доверителите за договор, кои биле поволни за земјата од последниот. Тој, сепак сакал да добие максимумот “, коментира весникот.
Според публикацијата важна улога во контактите на Атина со Москва одигра Леонид Решетников, 68-годишниот шеф на рускиот Институт за стратешки студии, сметан за “Рускиот Кисинџер”, кој зборувал грчки и бил еден од највлијателните и мудри советници на Владимир Путин.