96
Стапката на невработеност во второто тримесечје од годинава се намали на 26,8 и споредено со првото тримесечје бележи намалување за половина процент, објави денеска Државниот завод за статистика.
Според објавените податоци, во второто тримесечје од годинава во Македонија имало 956.174 активно население од кое 699.578 се вработени, а 256.596 невработени.
Стапката на вработеност во овој период изнесува 41,7 за разлика од првото тримесечје кога стапката на вработеност била 41,6.