ВИДЕО: Советник во општина Гевгелија ги полни со бегалци автобусите на Амди Бајрам?! прочитано 1,055 пати

Денеска на youtube се појави видео во кое се прикажува организираниот транспорт на бегалците помогнат од актуелен член на советот на Општина Гевгелија од редовите на власта, пренесе ГевгелијаНЕТ.

„Ајде бе, ајде малце“ – вели Бранко Митров и ги бутка мигрантите да влезат во автобусот во 13 секунда од видеото.

Портретот на Митров го има во 56 секунда, а потоа се гледа дека човек качен во автобус го симнува без образложение, ако „џ’исти момент проблем“ е некое образложение.

Од ова се гледа дека скретничар или организатор на полнењето на автобусите е лично советникот, а сето тоа го снимаат незадоволните таксисти кои остануваат извисени како локални сообраќајници со легални лиценци за вршење на јавен превоз на патници.

Самиот наслов на видеото и „Учеството на гевгелиската власт во полнење на автобусите на Амди“ навестува дека Митров се грижи да обезбеди профит за својот партиски лидер Амди Бајрам кој последниве месеци редовно праќа автобуси пред мостот на Сува река во Гевгелија и со тоа наместо помагатели, учествуваат во профитерството од бегалската криза.

Да беше Митров во хуманитарна мисија, немаше да му се заканива на снимателот на видеото со зборовите:
– „Шо снимиш бе, сајш да ти гу скршум“

Познавачите на сообраќајните прилики и регистрационите процеси наведуваат дека автобусите со скопски регистерски таблички се три години нерегистрирани, што е посочен во описот на видеото поставен од профил „Бранко Црвенков“.

Советникот Бранко Митров е член на коалицијата За подобра Македонија што ја предводи ВМРО ДПМНЕ во локалниот совет како претставник на коалициониот партнер Сојуз на Ромите на Македонија.

Гевгелија секаде цитирана како прифатен транзитен центар за бегалци, власта ја направи профитен центар за себе и коалиционите партнери./Либертас