Партијата на правдата и развојот (АКП) на досегашниот премиер Ахмет Давутоглу води со изборните резултати, покажуваат прелиминарните податоци од денешниот гласање. За моментов АКП има 50,6% од гласовите на избирачите, а 80% од гласачките ливчиња биле преброени, соопшти телевизијата Си-Ен-Ен Турк.

Тоа значи дека партијата ќе освои 325 места во парламентот, што е над потребните за мнозинство  од 276 места. Анкетите пред гласањето и даваа на партијата основана од претседателот Реџеп Ердоган, меѓу 40 и 43 проценти – помалку од потребното за парламентарно мнозинство. Овие првични резултати и даваат на АКП доволно места во парламентот за формирање еднопартиска влада во 550-члениот парламент на земјата. Партијата  не успеа да го добие потребниот број гласови за самостојно управување со претходниот гласање во јуни, по што не успеа да состави и коалициска влада со некои од другите три парламентарни партии. Ако резултатите се задржат и по конечното пребројување на гласовите, тоа ќе значи значителна победа за Ердоган, кој се надева дека ќе си ги  прошири своите овластувања на државната глава со промена во уставот. За сега Партијата за националистичко движење (МХП) освои 11,3% од гласовите, според коментатори дел од нејзините гласачи сакале да го поддржуваат АКП.

Главната опозициска Републиканска народна партија (ЦХП) зема околу 23%, а прокурдската Демократска партија на народите (ДПН) зема 10,7% – доволно за да си обезбеди место во парламентот.

Во исто време медиумите  од Турција истакнуваат дека изборниот ден помина со полициски акции, апсења, борба помеѓу симпатизери пред избирачките места и апели од “Исламска држава” за бојкот на гласањето. Невообичаено тешката атмосфера на денот беше карактеристична првенствено за провинциите крај границата со Сирија, каде мерките за безбедност и присуство на полиција и жандармерија беа невидени. Денес поради големите  мерки за безбедност  од највисок степен, а приведувањето на осомничениот партиски агитатор ги потресе социјалните мрежи. Гласачите во Дијарбекир, Сур, Мардин, Нусајбин, Сирнак, Идила, Чизре и Силопи ги надминуваа ровови и барикади за да дојдат до избирачките места пред утврдениот полициски час. Училиштата, каде се наоѓаат гласачите се под опсадата на екипите за брза реакција. Обласната управа на Дијарбакир нареди ризичните населби да бидат оградени со ровови, за да се спречи пристапот на курдски терористи на ПКК. Во регионалната комисија за гласови во Дијарбекир беа добиени бројни жалби од граѓани кои се принудувани да гласаат за ДПН, а други имаат пријавено дека непознати мажи ги наметнува од гласање и пуштаат гласачките ливчиња во нивно име. Претходно во текот на денот весникот на Факултетот за комуникациски технологија во Анкарскиот универзитет објавува повиците на активист од “Исламска држава” за бојкот на изборите. Маж на име Абу Ханзала што користи псевдонимот Халис Банчук, е уапсен и обвинет за ширење на летоци со пораката “Суверенитетот е на Алах”, “Не гласај, не оди  против Создателот”. / АФП