Анкара нема да дозволи единиците на сириските Курди да допрат до западниот брег на реката Еуфрат, предупреди турскиот претседател Реџеп Ердоган. “Никој не може да помине на запад од Еуфрат, нашата позиција по ова прашање е многу убедлива”, отсече шефот на државата.
Според него неодамна сириските Курди направиле обид да преминат “, но им бил даден достоен одговор. Отсега нашата чувствителност по прашањето ќе се манифестира на друг начин. И мојот народ, и целиот свет треба да го знаат ова “, рече Ердоган пред новинарите. Во моментов Курдите во Сирија и Ирак водат војна со групата “Исламска држава”. Во Ирак тие периодично добиваат воена помош од САД и нивните сојузници, како и од Русија, но по барање на Багдад. Во Турција живеат неколку милиони Курди и Анкара смета дека Партијата на демократскиот сојуз, која е на сириските Курди, е поврзана со Курдската работничка партија (ПКК), која турските власти ја сметаат за терористичка. ПКК се откажа од примирјето со турската држава и го продолжи воениот конфликт со неа. Од своето основање таа моли за независност или барем за поширока автономија на турските Курди. / РИА “Новости”