Министерството за економија веќе поднесе предлог за раскинување на договорот за концесија сокомпанијата Индо минерали, која во изминатите неколку години беше претставана како една од најголемите странски инвестиции и работодавци во Македонија. Причината за ова се неподмирените обврски кон државата на концесијата за експлоатација на минерални суровини-пишува РСЕ.

Во Синдикатот за рударство енергетика и индустрија проценуваат дека околу 1000 вработени ќе останат без работа со отворањето на стечајната постапка.

„Веќе четврт месец како не земале плата, но тие рудници поради несоздавање технички и безбедносни услови и опрема не се во функција од 24 септември, бидејќи нема услови за производство кои треба да ги обезбеди работодавачот. Исто така фирмата е презадолжена кон многу доверители и има блокира сметката. Тоа е многу лоша ситуација“, вели претседателот на Синдикатот Пеце Ристески.

МЖ со “терминолошко” информирање за железничкиот инцидент, не било “излетување” туку “исклизнување ”

Компанијата стопанисува со рудниците Злетово, Тораница и Добрево од 2006 година, а според изјавите на генералниот менаџер, Индо минерали инвестирале повеќе од 1 милијарда денари во инфраструктура, развој и рударска опрема.
За овој проблем реагираа и од СДСМ Крива Паланка истакнувајќи дека уште една странска инвестиција си заминува од државата.

– Резултат, повеќе од 1.000 рудари остануваат без работа. Многу од нив задолжени со кредити и неплатени сметки како последица на неисплатените плати од неколку месеци, оставени да се снаоѓаат како знаат и умеат. Никола Груевски да излезе пред граѓаните и пред рударите и одговори зошто си заминува овој инвеститор од Македонија? – повикаа членовите на СДСМ Крива Паланка.

Оттаму велат дека рударите се револтирани и со право реагираат оти извршителите само што не им затропале на врата.