Како и со другите точки на договорот од Пржино застанаа и преговорите за медиумите. Партиите не се согласија како ќе работи Агенцијата за медиуми и составот на советот на МРТВ. Власта и опозицијата не ги доближија ставовите. Во меѓувреме пропагандата на државните и приватните медиуми си тече. Губи и натаму само опозицијата која влезе во машинеријата на власта и сега теренот пак е угоре за опозицијата удоле за власта. Дилема е колку преговара а колку обезбедува преговори, каде отиде стартот и што е сега текот и што ќе биде крајот на договорот од Пржино .
Вчера беше последниот рок до кога партиите требаше да се договорат за реформите во медиумите. Првиот рок, кој беше 20-ти ноември е пробиен.Вториот исто така, и веројатно на крајот ќе се добие трипер варијанта која секако ќе мора да биде компромис на двата претходни компромиси сосе договарањето и компромисите во првиот момент во Пржино.
Ван Хојте не е маѓионичар , па така во текот на вчерашниот ден , понуди надеж односно соопштение, па напиша дека преговорите напредуваат и дека партиите ги земаат предвид сите предлози што ги дадоа новинарските здруженија, синдикатот и новинарите. А тие брифираат пак дека само шминкаат и кој знае дали и читаат. И нормално натаму си молчи и Хојте и не даде објаснување во што е напредокот во формата или суштината.
Преодни решенија па потоа и системски, е глупост. Или има или нема решение. Не ја разбирам паниката со роковите вадењето со времето кога се е пробиено !?
Прво сега е моментот темелно да се разгледа и утврди добитната комбинација, има практики само треба воља да се применат. Само трајни решенија се вистински решенија и тоа е ставот на медиумската заедница и веројатно тоа е тоа што партиите не прифаќаат да ги седнат новинарите и експертите на преговарачка маса, демек ќе им го трошеле времето а тие ќе биле побрзи, ама демек ќе не известувале што праеле. Па ние гледаме што тие направија и што може друго до прават !
Второ, времените решенија немаат време за ефекти, датумот на изборите е преблиску освен ако на крајот на денот не биде одложен од меѓународните ,нели, водичи низ преговарачкиот процес за да се исполни суштината на договорот од Пржино – фер пристап, фер предизборие и регулатива , фер изборен ден и фер победа !
Од сите овие фер сеуште нема ништо, нема ниту време, и затоа треба влечеле едните- другите или не , оваа време да се троши за системски решенија а не да се паничи за брзање за изборите.
Во сите наслови фер решенија за европска Македонија, преговори и договор ,како што коментираат странците ќе мора да се придодаде уште и фер датум за изборите. Но тоа веројатно, ако оди вака , ќе го соопштат подоцна.
А за медиумите? Да, разговорите најверојатно ќе продолжат како и со диетите Од понеделник !
Ад