Две Минхенската железнички станици беа евакуирани непосредно пред доаѓањето на Новата година поради информации за подготвени самоубиствени напади, од “Исламска држава”пренесоа агенциите.
Подоцна станици беа отворени – возовите повторно застануваат на централната станица во Минхен и на станицата во регионот Пазинг, соопштија полициски портпарол.
Министерот за внатрешни работи на провинцијата Баварија Јоаким Херман рече дека властите добиле информации од сојузничка разузнавачка служба за конкретна терористичка закана.
Според извори на ДПА оваа информација е обезбедена од страна на француските власти.
“Нашиот пристап е да не дозволиме терористи да диктираат како да се живее нашиот живот”, рече Херман рано утринава.
Минхенската весник “Зидојче цајтунг” пишува дека полицијата истражува петмина осомничени.
Началникот на минхенската полиција Хубертус Андре рече дека меѓу пет и седум осомничени се подготвувале да извршат самоубиствени напади на полноќ на една од двете станици.
Во Берлин неколку стотици илјади луѓе се собраа да ја прослават Новата година кај Бранденбуршката порта.
Во германската престолнина немало терористичка закана, забележуваат агенциите.
https://youtu.be/j1utZJ7W5M0
Потсетуваме дека Европа ја пречека Нова година при невидени мерки за безбедност. Преземени се дополнителни мерки во голем број европски метрополи, вклучувајќи Брисел, Париз, Лондон, Берлин и Москва. Белгиските власти го откажаа новогодишнитот огномет во Брисел поради заканата од тероризам