Претседателот на собранието Трајко Вељановски денеска преку писмено соопштение информираше дека Груевски му ја доставил оставката. Ви го пренесуваме соопштението:

Ве известувам дека денес, 15.01.2016 година, ми беше доставена оставка на претседателот на Владата на Република Македонија, г. Никола Груевски. Оттаму, како претседател на Собранието на Република Македонија ќе постапувам во согласност со уставните, законските и деловничките права и обврски. Истовремено, имајќи ги во предвид превземените политички обврски на лидерите на најголемите политички партии во Република Македонија согласно договорот од 2 јуни 2015 година и протоколот од 15 јули 2015 година, како претседател на Собранието на Република Македонија ќе го следам исходот од денешните разговори со посредство на меѓународната заедница.

Груевски доцни: „Сто дена пред избори“ е рок за нова влада, а не за премиерска оставка!

Искажувам надеж дека политичките лидери на Република Македонија ќе успеат да ги надминат меѓусебните предизвици, а во функција на натамошен демократски развој на Република Македонија. Верувам дека во периодот што следи ќе биде направен уште еден исчекор во исполнувањето на обврските од постигнатиот договор, а во функција на натамошно стабилизирање на вкупните прилики во државата.