Витаминот Д е многу важен за организмот. За да биде синтетизиран од нашето тело, сметаме главно на сонцето. Но, во текот на зимските месеци сонцето е ограничено, затоа треба да се најде алтернативен извор.
Многу луѓе страдаат од дефицит на витамин Д. Симптомите на оваа состојба се мускулна слабост, ниски нивоа на црвени крвни зрнца, зголемен ризик од кардиоваскуларни болести и инциденти, проблеми со перцепцијата, астма, рак.За да се заштитите од овие ризици, лекарите советуваат да се јадат повеќе печурки во зима.
Печурките се природен извор на витамин Д. Тие го произведуваат по природен пат овој витамин, кога се изложени на сончева светлина. Според анализите во 100г. купечки печурки се содржат околу 2,3 микрограми витамин Д, што е 23% од дневната потреба на организмот.
Овие вредности можат да се зголемат значително, ако се консумираат диви печурки, кои растеле на директна сончева светлина, а не такви од стакленик со вештачко осветлување.
Една студија од 2015 година на научници од Универзитетот во Сиднеј покажа дека на пладне сонцето кое ги грее за 1 час печурките, ги тера да произведат околу 10 микрограми витамин Д во 100 г печурки.
Витамин Д2 пак се синтетизира до околу 17,6 микрограми на 100 г печурки. Тоа е количина, еквивалентно на тоа во мрсните риби, пишува care2.com.
Човек има потреба просек од 5 до 15 микрограми витамин Д во зависност од возраста, тежината и полот. Имајќи го ова на ум, мала порција печурки би можела да ни помогне во набавката, дури и да не сме изложени на сонце подолг временски период.
Се разбира, не може да се потпираме само на витамините добиени од печурките. При секоја можност земајте ја потребната доза сончеви зраци без да претерувате. Така ќе се изборите со дефицитот на витамин Д.