Анкетната комисија за „фабриката“ со фалсификуваните документи усвои Деловик за работа без опозицијата. За СДСМ формирањето на ваквата комисија е спротивна на Договорот од Пржино, а Специјалното Јавно обвинителство е тоа кое ќе го истражи случајот.
„ВМРО ДПМНЕ ја измисли оваа комисија за да направи обид во јавноста да се изедначат злосторникот и оној кој што го соопштил злосторотот“, изјави пратеникот Петре Шилегов
Претседателот на комисијата Илија Димовски и остави простор на опозицијата да предложи свои кандидати. Тврди дкеа се работи за голем скандал, украдени над 100 илјади идентитети, пронајдени прислушувани разговори, фалсификувани лични карти и пасоши.
„Таа фабрика била политичка фабрика чија цел била да креира хаос во државата“, рече Илија Димовски од ВМРО ДПМНЕ,
Политичките партии упатија меѓусебни обвинувања и за нефункционирањето на Анкетната комисија за скандалот со прислушувањето.Според Шилегов ,комисијата нема да ја исполни задачата од Договорот од Пржино и не може да изготви извештај до крајот на јануари, а за виновни ги посочи функционерите на Вмро-Дпмне кои одбиле да сведочат јавно. Вмро Дпмне со спротивен став, Социјалдемократите ја суспендираат работата на комисијата и одбиваат да го повикаат за сведок Зоран Заев.