Најмалку две лица се приведени во полиција на разговор за наводна вмешаност во денешните судири што избувнаа меѓу полицијата и демонстрантите за време на протестите во Атина.
https://www.youtube.com/watch?v=uHSe8Igb9BY
Анархистички групи попладнево се собраа на плоштадот Омонија, по што поставија барикади на улицата Стурнари во близина на плоштадот Егзархија и запалија контејнери за смет. Истовремено, на околните улици се распоредени силни полициски единици.
Во тек е полициска акција и се апсат лица кои фрлаа молотови коктели на полицајците од единиците за спраување со нереди стационирана пред канцелариите на партијата ПАСОК.
За време на денешниот протест во Атина беше нападнат и репортерот на радиото „Атина 9.84“ Димитриос Перос кој беше претепан од лица со качулки, додека известувал за протестите. Опозициската Нова демократија и општината Атина го осудија инцидентот, нарекувајќи со напад врз слободата на печатот и обид за тероризирање на новинарите.