Синдикатот на работниците од управата, правосудните органи и здруженија на граѓани (УПОЗ) и Здружението за судска служба (ЗСА) денеска соопштија дека ја разгледуваат можноста повторно да одржат протест и да го продолжат штрајкот поради неисполнување на нивните барања во врска со Законот за судска служба.

Во соопштението се наведува дека нема интерес од страна на ресорното Министерство за измена на Законот и оти сите рокови се пробиени.

– Работни групи од Синдикатот на УПОЗ и ЗСА и Судскиот совет заеднички подготвија нов предлог текст на Законот за судска служба во кој се опфатени сите предлози и забелешки на Синдикатот и ЗСА. Текстот на Законот беше предаден во Министерството за правда и беше побарано истиот итно да биде разгледан, да се прифатат предлозите и да отпочне постапка за негово донесување. Меѓутоа, заради наводна „зафатеност“ на министерот, договореното не се оствари. За тоа сметаме дека од негова страна не постои интерес да се надмине овој проблем, се вели во соопштението.

ЦРМ: Доставување годишни сметки за 2015 година до 29.2.2016 год.

Синдикатот на УПОЗ и Здружението за судска служба на 3 декември одржаа предупредувачки штрајк во сите судови незадоволни од Законот за судска служба./МИА