“Дејли мејл” објави снимки од приведувањето на организаторот на крвавите напади во Париз Салах Абдеслам.Тој беше повреден и уапсен за време на спецакцијата во имигрантски кварт “Моленбек”.“Тројца осомничени за париските атентати се уапсени во текот на полициската операција во Брисел. Меѓу нив е и главниот осомничен Салах Абдеслам “, соопшти премиерот на Белгија Шарл Мишел на заедничката прес-конференција со претседателот на Франција.

Од своја страна Франсоа Оланд најави дека очекува екстрадиција на осомничениот за нападите во Париз Салах Абдеслам и тоа да се случи” што е можно побрзо “. “Знам дека белгиските власти ќе реагираат брзо и позитивно на нашето барање за екстрадиција”, додаде Оланд