Шаварш Кочарян, заменик-министер за надворешни работи на Ерменија ја обвини Турција дека ја поддржува “агресијата” од страна на Азербејџан во Нагорно Карабах. Според него солидарноста со властите во Баку, која ја изрази во саботата претседателот Реџеп Таип Ердоган всушност била повик до Баку да преземе “агресивни дејствија против самопрогласената Нагорно-Карабахска република”.
Кочарјан ги дефинира како “расистички” изјавите од Анкара. “И тоа се вклопува во логиката на политиката што се спроведува од актуелното раководство на Турција, резултатот е ширење на бранот на нестабилност, тероризам и крвопролевање како во Турција, така и надвор од нејзините граници”, додава тој.
Пораката дека во телефонски разговор Ердоган изјавил дека турскиот народ секогаш ќе стои заедно со азербејџанскиот беше распространето во саботата од претседателството во Баку.
На седницата на Советот за национална безбедност, претседателот Илхам Алиев го нарече она што се случи како вооружена провокација од страна на Ерменија, која не се случува за прв пат. “На непријателот му беше даден достоен одговор. Непријателот беше поставен на неговото место”, ја цитираше неговата изјава агенцијата “Тренд”. Алиев зборува уште за “уништувачки удар” и многу убиени од ерменска страна, по што Азербејџан успеал да ја добие на линијата на контакт супериорносат и контрола над подобри позиции.
Во неделата наутро Баку објави дека го прекинува еднострано огнот, но ќе одговара на секоја провокација. Како во Ереван, така и во Степанакерт – главниот град на Нагорно Карабах, ги отфрлија тоа како информативна стапица, бидејќи не соодветствуваат на реалноста.
Давид Торонјан, прв заменик-министер за одбрана на Ерменија, изјави на брифингот во неделата дека ерменската страна е подготвена за било каков развој на настаните “, вклучувајќи до непосредно помош за безбедноста на Нагорно Карабах.”
Областа се наоѓа во Азербејџан и повеќе од 20 години локалните Ерменци со помош на ерменската армија контролираат речиси 20% од територијата на земјата.
Синовите на Азербејџан, кои ја заштитуваат својата родна земја, војуваат за татковината и стануваат “Шахид, меморијата за кои вечно ќе живее во нашите срца”, рече уште претседателот. Алиев директно ја обвини Ерменија дека не сака мир, не сака да се повлече од окупираните територии и прави се што е можно да го зачува статус квото.
Во саботата претседателот Серж Саргсјан порача на Министерството за надворешни работи да подготви договор за укажување воена помош на Нагорно Карабах, кој ќе биде договорена со пратениците и различни сектори, за да биде одобрен, кога ќе има потреба. Според него Ереван има право на такво дејство, бидејќи е членка на примирјето од 1994 година и може да сама да го решава проблемот во областа.