Кредибилни избори, работата на СЈО, реформите во медиумите се дел од трите области на кои Македонија треба да дејствува за земјата да оди напред-изјави денеска американскиот амбасадор Џес Бејли за време на своето обраќање по повод Денот на НАТО во Домот на АРМ.

Бејли потсети и на тоа што го кажал и генералниот секретар на НАТО, Јенс Столтенберг на неодамнешните средби со македонските лидери, дека е витално да ги спроведат своите обврски од Договорот од Пржино и да ги имплементираат реформите кои се потребни за изборите.

„Кредибилни избори, работата на СЈО, реформите во медиумите и други области. Заедно тие испраќаат стратегиска порака на вашите идни НАТО сојузници за вашата посветеност на вредностите на Алијансата. Меѓутоа полу мерките ја испраќаат спротивната порака и може да ја поткопаат поддршката. Така да овие три области, односите со Грција, одбранбените можности и демократијата и владеењето на правото, нудат можности и се признание за многуте предизвици околу нас. Мојата порака е многу едноставна-искористете ги овие можности“, рече Бејли.

„Унитети“ до собранието поднесе предлог за промена на Уставот

Тој додаде, дека е добро што Македонија и Грција ги зголемуваат контактите во однос на спорот со името, а мигрантската криза ја потенцирала потребата за поголема соработка.

„Така што сега има развој на настани и нема подобро време за да се одврзе јазолот за тоа прашање, а САД, ОН и другите пријатели се подготвени да асистираат во вашите и во напорите на Атина“,посочи Бејли.